НУ Нацуонален музеј на македонска борба за државност и самостoјност

Оваа Национална Установа прогласена за недвижно културно наследство се состои од два објекти.

Објектот 1 е седиште на установата , се наоѓа на ул. „11 Март“ бр 1 , се состои од По+П+2 е наменет за чување музејски фонд  во кој преку различни музејски форми и содржини е прикажан дел од историјата на македонскиот народ.

Музејот е изграден од 2008 до 2011 година според проект на архитект Зоран Јордановски, а официјално е отворен на 8 ми септември 2011 година, по повод 20 години од прогласување на независноста на Република Македонија.

Сместен е  во 6435 м2 површина , а музејските изложбени простории  опфаќаат 2500 м2. Во музејските поставки претставени се настани и личности од раниот период на ајдутството од втората половина на 17 век па сите настани и личности до завршување на НОБ и жртвите на посткомунистичкиот период.

Објект 2 ( Порта Македонија)  се наоѓа на ул. „11 Октомври“ бр.4а , има форма на триумфален лак (порта ) со еден засводен отвор во средината, со висина По+П+7. Во фасадата на објектот вградени се рељефи изведени од бел мермер, со претстави на симболот на вечноста, историјата и културата на Македонија.

Според националната класификација на културното наследство објектот припаѓа на видот споменик, група цивилни објекти, подгрупа   објекти на културата, науката и образованието, тип  музеј  (шифра 1.1.2.8.5).