НУ Музеј на современа уметност – Скопје ул. „Самоилова“ бр. 17

Музејот за  современа уметност Скопјее симбол на солидарноста, која како трајна вредност останува врежана во колективната меморија на македонската јавност.

Основан е во 1964 година како резултат на бројни донации на уметнички дела од 65 земји во светот, мисијата на Музејот  е да ја одржува меморијата и традицијата на солидарноста и да продолжи да колекционира, чува, заштитува, проучува и вреднува значајни уметнички дела и со нивно изложување на судот на јавноста да ја развива свеста на вредностите на современата уметност.

Се состои од три поврзани објекти По+ П и По+П+1 . Објектот располага со простор за постојана поставка, сали за повремени изложби, сала за предавања, библиотека, конзерваторски лабаратории , депоа работни и помошни простории. Објектот е наменет за  чување на дела од уметноста и содржи две збирки: Меѓународна збирка на уметнички дела околу 3500 уметнички дела и збирка на уметнички дела од современа македонска ликовна уметностоколу 2000 уметнички дела.

Објектот е изграден според проект донација на Влада на Република Полска .

Според националната класификација на културното наследство објектот припаѓа на видот споменик, група цивилни објекти, подгрупа   објекти на културата, науката и образованието, , тип  музеј  (шифра 1.1.2.8.5).